සඳවත කුසුම මිලිනව ඇත
අඳුරු සීතල
සිර කුටියක කොණක
හදවත දවනු ඇත
පෙරදා සරසවි මතක
එක්ව හුන් සොයුරු කැළටත්
අමතක වූ කලක
අමතක කරනු කෙලෙස
"ද්වාරකා" නුඹ
අදයි කාන්තා දිනය
විමුක්තිය, නිදහස
සමතැන ඉල්ලා
"ආශ්චර්යයේ දියණියෝ"
කොළොම්තොට රඟන
වැට කොටු බැද සිරකෙරූ
නුඹ නිදහසේ සමතැන
අමතක කරනු කෙලෙස
"ද්වාරකා" නුඹ
යකඩ සපත්තු හඩින් බියවූ සිත සන්සුන් වේවා
තල් රුප්පාව සිහිනෙනේ හෝ පෙනේවා
උතුරු කොණම නිදහස් වන දින ළංවේවා
ඒ නිදහස් සුළඟ හමනතුරු සිත තව දිරිවේවා
No comments:
Post a Comment