ඔච්චම් කරන
නිකිණි සඳට හුඟක්
පහළින්
හුදකලා වීදියක බර
නිරුවත් දෙපයින්
බර අඩි තබා
ඇවිද යන මිනිසෙක්
තියන ඇඩියෙන් අඩියට
පහත් වුනු හිස
මදින් මද සෙළවෙන
මොනවදෝ මුමුණන
බිමටම බර වූ
හිස් බැල්මෙන් සරන
හුදකලා මිනිසෙන්
වරක් වත් ආ මග හැරී නොබලන
යන මග දෙස නොබලන
අඩිය මත නෙත තබා ඇවිදින
හුදකලා මිනිසෙක්
මලානික විදුළි පහන කණු
එකින් එක පසුකර
අවසන් සැතපුම් කණුව ළඟ
නෙත් අයා බලා සිටන
හුදකලා මිනිසෙක්
නිරුවත් පොළව සිඹ
එයටම දී සියොළගම බර
දෑස් තද කොට පියාගත්
හුදකලා මිනිසෙක්
No comments:
Post a Comment