ලේ බිඳුවකින්
පණ පෙවුණු, දා බිඳුවක පහස ලැබ
දළුලා වැඩී අතු පතර විසල්ව පැතිර ගිය
එක් මහා වෘක්ෂයක අග්ගිස්සේ පිපුණු
රතුම රතු මලක් මිලිනව වැටී ඇත
කාෂ්ටක රතු පස් පොළොව තදින් බදා
සරු පසට එක් වෙන්න
වෘක්ෂයටම පණ දෙන්න
වෘක්ෂය අසල
පොළව සිප ගන්න
හැම මලකම ඇත සළකුණුව
ඇත තවම උණුසුම්ව
යකඩ ශ්‍රී පතුලක සටහන්
බර අඩිතබා
පොඩිව යනතුරු ඇවිද ගිය වග
එමල් මත
පිපුණු සැම මලකම
සාරය ලැබ අතුපතර විහිද
නිදහසේ විමුක්තිය
ලැබ දෙන්නට දනට
භූගතව ලැගුම් ලා ඇත
එ මල්
සොහොන් කොතද අහිමිව
No comments:
Post a Comment