දෙ'මාවත අතර

 

 

 

 

 

ගලහ පාර තරම්

සෞම්‍ය සොදුරු නැතිවුවාට
වනාතේ සීවලී පාරටත්
හද එලිය ගලනවා

ගලහෙ යන
පෙම්වතුන් තැතිවුනත් මේ පාරේ
වැරහිලි ඇදගත
පොඩි උන් හැම අතම දුවනවා

කවි කතා නොගැයුනත්
දෑස් හැර නොබැලුවත්
ඒ මාවතෙත්
ප්‍රේම පුරාවත් තියෙනවා
ගල්තාර පාදාසයට යටවුවත්
ඇත්තට ඒ පාරේ ආදරේ තියෙනවා

මැයි මල් නැතිවුනත්
මීදුම් සේල නැතිවුනත්
බලා සිටින්නට හැඟුම්බර හන්තාන නැතිවුවත්
මේ අදුරු මාවතෙත් මිනිසුන් සිටිනවා

ඒ වුනත්
ගලහ පාරම රිදුම් දෙන
සීවලි මාවතම ඇදුම්කන
සොහොන් පාලුවවක් නම්
මේ දෙ'මාවතේ තවම රජ කරනවා