ලෝක වෙළඳ කුළුණේ
35 වැනි මහලේ සිට
කහටගස්දිගිලියේ
නොම්බර 5 ගෙපැලේ සිට
කරයි සංවාදය
ගජ රාමෙට
නැගලා යනවා වැඩේ ගානට
එකෙකුට එකෙක් නොදෙවෙනි
ඉන්න තැන්වලින් අගලක් නෙසෙල්වෙති
ලොකෙන් ගහන කොට
ලැකෑන් ඩෙරිඩා හේගල් උණ්ඩ
දිගිලියෙන් දෙයි
ඩීස් බණ්ඩා ජේආර් මහින්ද පුරන් අප්පු
කොටන තුවක්කු උණ්ඩ
අත්පුඩි විෂිල් ඔට්ටු
සංවාදේ වටකොට
අවසන සැවොම විසිර ගොස්
ඇත නොකියාම
ඒත මොනවද කිව්වේ
කවුද දන්නේ
කාටද ඇහුනේ
දෙගොල්ලොම උන්නේ
හිටි තැන්
ආරස්සා කරගන්න ගේමේ
No comments:
Post a Comment