බැටන් පහර එක පිට එක වැද
ඇසල සඳ මොර දෙයි
ලේ පැල්ලම් විසිරි ඇත
ඒ විසල් අහස මත
ලේ පිළී ඟඳ පමණි
හමන්නේ දසත
ගව්ගනන් දුරවුනත් සඳට
පෙම් කවි ලියන්නෙත් ඒසඳට
සඳකට විරිතට අකුරු ගලපන උන්ට
දෙමළනම් සඳ වුනත් දුර වැඩී ඒ මිනිසුන්ට
කවියක් නොවේ බං මේ
හූල්ලන ඉකියක්ය සිරවුණ
කවිකම වුනත් මොකට
අකුරුවලිනුත් ලේ ගලන කලෙක
හිස්ම හිස්
සුදු කඩදාසි මත
වැතිර සිටින
හිස්ම හිස්
හැගීමකි
ඉකිගසන
ලේ ගලන
අවසන් සුසුම යදින අදින
කවියක් නොවේ බං මේ
හූල්ලන ඉකියක්ය සිරවුණ
Photo Credit - JDS
No comments:
Post a Comment